Глыбоцкія ратавальнікі праводзяць «Урокі бяспекі» ва ўстановах адукацыі

Эвакуацыя, дыялог, гульня. «Урокі бяспекі» праводзяць Глыбоцкія ратавальнікі ва ўстановах адукацыі. На прафілактычных уроках работнікі МНС і маленькія грамадзяне прыгадваюць асновы бяспекі жыццядзейнасці.

На гэты раз свае дзверы расчыніла Залеская сярэдняя школа Глыбоцкага раёна. Навучэнцы пачатковай школы з нецярпеннем чакалі сустрэчу з прадстаўніком выратавальнага ведамства.
Дзеці, не ўсведамляючы рызык, часта трапляюць у небяспечныя сітуацыі, якія могуць скончыцца траўмамі, апёкамі ці нават гібеллю.

— Запомніце, пры ўзнікненні пажару выклікайце ратавальнікаў па нумарах 101 або 112, паведаміце дыспетчару адрас, што здарылася, імя і прозвішча, — навучыў дзяцей работнік МНС.

У гульнявой форме хлопцы ўспаміналі нумары экстрэнных службаў, алгарытм дзеянняў пры пажары, 5 крокаў выратавання, выконвалі заданні ад герояў «Чароўная кніга МНС»

— Такія сустрэчы — важная частка прафілактычнай работы, — падкрэслівае інспектар сектара прапаганды і ўзаемадзеяння з грамадскасцю раённага аддзела па надзвычайных сітуацыях.

Каб замацаваць веды, супрацоўнікі МНС правялі віктарыну на веданне асноў бяспечных паводзін. Дзеці адказвалі на пытанні пра тое, як дзейнічаць пры пажары, як папярэдзіць ЧС і на што звяртаць увагу ў штодзённым жыцці.

Настаўнікі і вучні падзякавалі за цікавую і карысную сустрэчу. Такія мерапрыемствы дапамагаюць фарміраваць у школьнікаў адказнасць і ўважлівасць да ўласнай бяспекі.

Печать