Чаму не варта несці на могілкі штучныя кветкі?

1 Звезда2 Звезды3 Звезды4 Звезды5 Звезд (Пока оценок нет)
Загрузка...

На наступным тыдні Радуніца – дзень памінання памерлых і  могільнікі  будуць  стракацець ад сотняў штучных кветак. Яркая, бясшкодная на першы погляд, прыгажосць на самой справе прыносіць непапраўны ўрон жывой прыродзе і праблемы для здароўя чалавека.

Гэтыя кветкі вырабляюць са штучных матэрыялаў: напрыклад, пялёсткі – з сінтэтычнай тканіны, такой, як поліэстр, латекс, арганза, якія затым  для  пластычнасці і трываласці апрацоўваюць рознымі хімічнымі саставамі. Для іх афарбоўкі выкарыстоўваюць даволі таксічныя анілінавыя фарбы, якія аказваюць негатыўнае ўздзеянне на здароўе чалавека: выклікаюць галавакружэнне, галаўны боль і слабасць.

Сцябло, бутоны і іншыя дэкаратыўныя элементы кветак у большасці выпадкаў робяць  са шкоднага пластыка, часцей за ўсё з ПВХ, асяродак кветак і мелкі дэкор — з пенапласта, які пры сонечным награванні выдзяляе канцэрагеннае рэчыва стырол, — расказвае  галоўны спецыяліст раённай інспекцыі прыродных рэсурсаў і аховы навакольнага асяроддзя Артур Гапанёнак. — Век штучных кветак нядоўгі: яны выгараюць і іх тонамі выкідваюць на сметнікі. У другасную перапрацоўку яны не ідуць. Тэрмін іх раскладу займае ад 100 да 500 гадоў.  Уявіце, колькі мільёнаў былой штучнай прыгажосці стагоддзямі  будзе займаць месца на палігонах цвёрдых камунальных адходаў?! У месцах іх захавання выдзяляюцца таксічныя рэчывы, якія, трапіўшы ў  глебу, забруджваюць і яе, і  грунтовыя воды. Паліць  штучныя кветкі  таксама нельга, бо пры іх згаранні ў навакольнае асяроддзе трапляюць цяжкія металы і дзіаксіны, асабліва шкодныя для здароўя дзяцей.

Спецыялісты інспекцыі просяць жыхароў раёна не ўпрыгожваць магілы  штучнымі кветкамі, а замяніць іх жывымі, выкарыстоўваць свечкі і стужкі з тканіны.

-Такімі дзеяннямі вы праявіце павагу не толькі да памяці памерлых, але і да саміх сябе і нашчадкаў. Разумныя і дальнабачныя дзеянні стануць вашым  асабістым укладам у ахову прыроднага асяроддзя. І не забывайцеся, што самым дзейсным праяўленнем павагі да памерлых з’яўляецца малітва, а не букет штучных кветак, — заключыў Артур Уладзіміравіч.

Подписывайтесь на наш Telegram-канал. Будьте в курсе самых главных новостей!

Вам также понравится



Веснік Глыбоччыны - Новости г. Глубокое и Глубокского района,
© Авторское право принадлежит учреждению "Редакция районной газеты "Веснік Глыбоччыны" Глубокского района , 2021г.
Гиперссылка на источник обязательна. Условия использования материалов.


Рейтинг@Mail.ru
Яндекс.Метрика Рейтинг@Mail.ru