Глыбоцкая міліцыя адзначыла прафесійнае свята і юбілейную дату

Урачыстасць з гэтай нагоды  прайшла  ў Парку Перамогі 4 сакавіка.  Супрацоўнікаў міліцыі  павіншавалі старшыня  Глыбоцкага райвыканкама  Аляксандр Шубскі і  старшыня раённага Савета дэпутатаў Вера Цяліца.

Узнагароды лепшым афіцэрам міліцэйскай службы ўручылі начальнік раённага аддзела міліцыі  Валерый Круклінскі,  ваенны камісар Глыбоцкага і Шаркаўшчынскага раёнаў Сяргей Краснадубскі, начальнік аддзела ідэалагічнай работы, культуры і па справах моладзі Людміла Карніловіч, другі сакратар раённага камітэта ГА “БРСМ” Алеся Шыпіла.

Словы падзякі за нялёгкую службу прысутным работнікам міліцыі выказалі і пажадалі ім мірнага неба над галавой, здароўя, шчасця, дабрабыту і  зорак на пагонах   пракурор  Глыбоцкага раёна Ігар Валынец, старшыня ветэранскай арганізацыі райаддзела Анатоль Захарэвіч, ветэран службы  Віктар Васюковіч.

Падзякі начальніка УУС Віцебскага аблвыканкама і кветкі Валерый Круклінскі ўручыў  матулям Аксане Купрыенка і Лідзіі Петух за  годнае выхаванне  сыноў, афіцэраў міліцыі Аляксея Купрыенкі і Леаніда Карзянка.

Прысутныя ўшанавалі хвілінай маўчання  памяць пра работнікаў міліцыі, якія загінулі, выконваючы свой  абавязак, і ўсклалі кветкі да  стэлы.

Печать