Глыбачаніна, які прапаў 5 студзеня, знайшлі на возеры Кагальным

— Пра тое, што мужчына не прыйшоў дамоў 5 студзеня,  яго родныя паведамілі выратавальнікам  толькі   праз пяць дзён, 10 студзеня.  Быў страчаны час: снег і мароз знішчыў за гэтыя дні ўсе “сляды”, якія маглі б падказаць,  у якім месцы ўтапіўся  чалавек, — гаворыць  начальнік выратавальнай станцыі на возеры Мушкат  Павел Зубко. – 10,11, 13 і 14 студзеня, а затым яшчэ ў лютым мы праводзілі на возеры выратавальныя работы. Дванаццаць  разоў вадалазы спускаліся пад лёд, прачэсвалі дно па экваторыі Кагальнага, але безвынікова. Сёння, 1 сакавіка нам паступіла паведамленне  з раённага аддзела па  надзвычайных сітуацыях аб  тым, што на паверхні возера знойдзена цела чалавека. Вадалазы Аляксей Закрэўскі і Сяргей Талстыка  высеклі цела з ледзяной глыбы, а затым  супрацоўнікі РАНС на спецыяльных доўгіх санках даставілі яго на бераг.

Па інфармацыі, гэта той самы мужчына, які лічыўся прапаўшым без вестак з 5 студзеня гэтага года.

Печать