Лепшыя хлебаробы Глыбоччыны атрымалі падарункі ад прафсаюза

Лепшыя камбайнеры, вадзіцелі і повары сельгаспрадпрыемстваў Глыбоччыны атрымалі падарункі ад Беларускага прафсаюза работнікаў культуры, інфармацыі, спорту і турызму.

У хлебаробаў зараз гарачая жніўная пара. Каб падтрымаць працаўнікоў сяла ў такі адказны перыяд, падзякаваць ім за нялёгкую працу, у наш раён прыехала старшыня Цэнтральнага камітэта Беларускага прафсаюза работнікаў культуры, інфармацыі, спорту і турызму Таццяна Філімонава.

Яна пабывала ў трох гаспадарках раёна. Падзякі і каштоўныя падарункі ад галіновага прафсаюза ўручаны камбайнерам Алегу Шынкевічу УП «Мнюта», Васілю Арлову ДП «Ломашы-Агра», Сяргею Сямашка і Міхаілу Кушнярэвічу УП «За Радзіму», вадзіцелям – Аляксандру Духовічу ДП «Ломашы-Агра», Аляксандру Дзевятоўскаму УП «За Радзіму», Валерыю Якубёнку і Яўгену Кучынскаму УП «Мнюта», а таксама поварам Ганне Пятрага УП «За Радзіму» і Марыі Катушонак ДП «Ломашы-Агра».

Печать