Маршруты чарговых аб’ездаў пасек удзельнікаў конкурсу інавацыйных ідэй у сферы пчалярства, які арганізаваны ў рамках рэалізацыі Еўрапейскага праекта “Стварэнне Цэнтра прасоўвання і падтрымкі прадпрымальніцтва ў Глыбоцкім раёне, Віцебская вобласць, Беларусь” пралягалі праз вёскі Карабоўскага, Азярэцкага і Пліскага сельскіх саветаў.
Мы паглядзелі як гаспадараць на сваіх пасеках у Гірстунах Алег Храпавіцкі з жонкай Жаннай, Дзмітрый Шарабайка з жонкай Таццянай з Карабоў, Міхаіл і Леаніда Баравікі з Лаўцоў, Сяргей Кавалеўскі з Рошчы, Міхаіл Усовіч з Шэпелева і Мацвей Кірылаў з вёскі Гаркушы.
У большасці выпадкаў пчаляры, з якімі давялося пазнаёміцца, працягваюць справу, распачатую іх дзядамі і бацькамі, маюць па 20-40 гадоў пчалярскага вопыту і здолелі ператварыць любімы занятак у нядрэнны падмацунак сямейнага бюджэту.
Больш падрабязна пра згаданых майстроў пчалярства чытайце ў “Весніку Глыбоччыны”.