Сям’я – гэта дом для шчаслівай душы

Для глыбачан Івана Самсонавіча і Ларысы Лявонцьеўны  Толкачаў супрацоўнікі аддзела ЗАГС райвыканкама з нагоды іх 40-гадовага юбілею сумеснага жыцця ў Дзень сям’і 15 мая падрыхтавалі святочную ўрачыстасць.

Юбіляры пераразалі чырвоную стужку, запальвалі  свечку кахання, танцавалі, распісваліся  ў сімвалічнай кнізе запісаў актаў грамадзянскага стану,  цалаваліся пад  “горка”, якое крычалі госці. Сімвалічнае пасведчанне, якое пацвярджае 40-гадовы стаж сямейнага жыцця, з кветкамі і падарункамі юбілярам уручыла ўпраўляючы справамі райвыканкама Іна Султанава.

Юбіляраў віншавалі старшыня прафсаюзнага камітэта ВУ “Глыбокаегаз” Лілія Завадская, першы сакратар РК ГА “БРСМ” Дар’я Капшуль і галоўны спецыяліст Алеся Шыпіла, галоўны спецыяліст па абслугоўванні прыватных кліентаў Цэнтра банкаўскіх паслуг №239 г. Глыбокае ААТ “Белаграпрамбанк” Алена Альсевіч,  начальнік аддзела ЗАГС райвыканкама  Святлана Ігнатовіч,  дзеці і ўнукі, родныя і  суседзі і ўдзельнікі народнага тэатра фальклора “Цярэшка” цэнтра традыцыйнай культуры і народнай творчасці.

Печать