Падчас правядзення вялікіх кампаній сельскагаспадарчага года райкам прафсаюза работнікаў аграпрамысловага комплексу самую пільную ўвагу ўдзяляе арганізацыі раённага спаборніцтва сярод механізатараў гаспадарак. Разам з упраўленнем сельскай гаспадаркі і харчавання райвыканкама распрацоўваецца палажэнне, у якім прапісваюцца і зацвярджаюцца ўсе ўмовы спаборніцтва і меры заахвочвання пераможцаў.
Аб’яўлена і неўзабаве актыўна разгорнецца раённае спаборніцтва пры правядзенні сёлетніх веснавых палявых работ. У адпаведнасці з палажэннем, працаўнікі сельгаспрадпрыемстваў Глыбоччыны пазмагаюцца за перамогу ў трох намінацыях: “падрыхтоўка глебы”, “унясенне ўгнаенняў” і “сяўба яравых культур”. Механізатары, якія дасягнуць самых высокіх вынікаў, будуць узнагароджаны грашовымі прэміямі райкама прафсаюза работнікаў АПК.
І як толькі яшчэ больш шырока разгорнецца фронт вясенніх палявых работ, і пачнецца масавая сяўба, на старонках раённай газеты “Веснік Глыбоччыны” пад загалоўкам “Сёння наперадзе” будзе асвятляцца ход раённага спаборніцтва. Будзе весціся расказ пра яго лідараў і пераможцаў.
Н. ЗЯНОВІЧ, старшыня райкама прафсаюза работнікаў АПК.