3.0250 
3.5400 
3.6850 
Загрузка...— Чуў, што цяпер замест дзяржпошліны ўводзяць транспартны падатак? Што наконт гэтага сказана ў праекце новага закона? — уздымае тэму наш чытач Канстанцін Яфімавіч.
Мы азнаёміліся з праектам дакумента, і вось што нам стала вядома.
Першае: транспратны падатак будзе меншы, чым дзяржаўная пошліна: для фізічных асоб ён знізіцца на 25%, для арганізацый – на 15%. Яго сума напрамую будзе залежыць ад масы і ўзросту аўтамабіля. За аўтамабілі вагой 1-1,5 тоны плаціць прыйдзецца ў сярэднім 60-80 рублёў у год. За аўтамабіль вагой больш за 1,5 тоны і не больш 1,75 – 81 рубель, ад 1,75 да 2 тон – 102 рублі, ад 2 да 2,25 тоны – 122, ад 2,25 да 3 тон – 162, больш за тры тоны –223 рублі, за матацыкл – 40 рублёў.
Другое. Будуць прымяняцца дыферэнцыраваныя стаўкі для фізічных асоб у адносінах да легкавых аўтамабіляў максімальнай масай ад 1,5 да 2,5 тон шляхам прымянення крока 250 замест 500 кілаграмаў. У выніку — для асобных катэгорый грамадзян плацяжы знізяцца.
Трэцяе. Для інвалідаў I і II груп, ветэранаў Вялікай Айчыннай вайны і пенсіянераў стаўкі падатку мяркуюць знізіць на 50%, для інвалідаў III групы — на 25%. Ад уплаты падаткаў да 31 снежня 2025 года вызвалены ўладальнікі электрамабіляў. Не трэба будзе плаціць падатак і на транспартныя сродкі, зарэгістраваныя да 1 студзеня 1992 года альбо ў адносінах да якіх нельга ўстанавіць дату рэгістрацыі.
Чацвёртае. Калі аўтаўладальнікі трапляюць у складаную жыццёвую сітуацыю, органы мясцовага кіравання і самакіравання могуць часткова ці поўнасцю вызваліць іх ад уплаты транспартнага падатку пры ўмове, каб свой транспарт яны не выкарыстоўвалі ў прадпрымальніцкай дзейнасці.
Пятае. Плануюць, што да 50% сабраных сродкаў будуць перадавацца ў мясцовыя бюджэты на бягучы і капітальны рамонт дарог.
Шостае. 2021 год будзе пераходным, сума падатку па ўсіх транспартных сродках складзе 29 рублёў – гэта будзе авансавы плацеж за бягучы год. У 2020 годзе гэта сума будзе ўлічана пры ўплаце падатку за 2021-ы з улікам фактычнага часу напрацягу якога фізічная асоба з’яўляецца ўладальнікам транспартнага сродку. Паведамленне аб аплаце падатковыя органы накіруюць аўтаўладальнікам не пазней 1 лістапада 2021 года, аплаціць падатак трэба будзе не пазней 15 снежня гэта ж года.
Сёмае. Транспартны падатак салідарна, незалежна ад удзелу ў дарожным руху, будуць аплачваць усе ўладальнікі аўтамабіляў, зарэгістраваных у базе ДАІ МУС. Калі ў грамадзяніна тры зарэгістраваныя машыны, плаціць прыйдзецца за ўсе тры. Калі грамадзянін з’яўляецца ўладальнікам так званага аўтамабільнага хлама, які без калёс стаіць на агародзе, але не зняты з уліку ДАІ, плаціць прыйдзецца і за яго, адпаведна вагі і ўзросту.
Восьмае. Пры няўплаце падатку кантралюючыя падатковыя органы будуць налічваць пеню, а аўтамабілі злосных неплацельшчыкаў могуць арыштоўваць.
