У Падсвіллі адкрыўся фірменны магазін “Снедь” Глыбоцкага мясакамбіната

Размясціўся ён  у будынку былога магазіна Падсвільскага вінзавода ў самым цэнтры гарпасёлка.

У асартыментным пераліку каля 150 відаў каўбасных і мясных вырабаў, якія выпускае  УП “Глыбоцкі мясакамбінат”. Нацэнка на ўсю прадукцыю  — мінімальная. Акрамя мясных, падсвільчане могуць тут купіць таксама хлеба-булачныя вырабы, пірожныя,  торты  Глыбоцкага хлебазавода, розныя напіткі.

Падчас адкрыцця новай гандлёвай кропкі, на якім прысутнічала намеснік старшыні райвыканкама Алена Баравік і вядучы  таваравед УП “Глыбоцкі мясакамбінат” Наталля Макаранка, усе жадаючыя маглі  стаць дэгустатарамі каўбаснай прадукцыі. Магазін “Снедь” працуе ў рабочыя дні з 9.00 да 19.00, у суботу — з 9.00 да 16.00, у нядзелю — з 9 да 15 гадзін. Абслугоўваюць пакупнікоў прадаўцы Людміла Коўзан і Галіна Стэльмах.

Печать