3.1750 
3.4400 
3.6200 
Загрузка...У жніўні ў дзіцячым садку №4 праведзены работы па рамонце і добраўпарадкаванні прылягаючай тэрыторыі.
– Вясной у нашым садку пабываў старшыня райвыканкама Аляксандр Шубскі і згадзіўся з тым, што стары асфальт, паламаны, патрэсканы, урослы ў траву ад часу патрабуе замены. Па рашэнні райвыканкама на правядзенне рамонтных работ з раённага бюджэту было выдзелена 19 тысяч 90 рублёў. Непасрэднай арганізацыяй, закупкай матэрыялаў, кантролем за якасцю выканання работ займаўся інжынер па рамонце абсталявання будынкаў і збудаванняў Цэнтра па забеспячэнні дзейнасці бюджэтных арганізацый і дзяржаўных органаў Міхаіл Бабіла.
Асфальтавалі тэрыторыю дашкольнай установы работнікі ДРБУ-145. З улікам зробленага наш садок відавочна “памаладзеў”. Новы асфальт пакладзены на дваровай тэрыторыі, заасфальтаваны ўсе дарожкі, па якіх ходзяць дзеці, падрамантавана абсталяванне на гульнёвых пляцоўках, аформлены новыя куточкі і зоны для адпачынку і рухомых гульняў выхаванцаў. Ну а работнікі садка пастараліся, каб у нас было ярка і колерна, таму з ахвотай садзілі і даглядалі кветнікі, – гаворыць загадчыца дзіцячага садка №4 Аксана Гольдэрбайн. – Абнаўленню, пра якое яшчэ нядаўна мы маглі толькі марыць, рады і мы, і дзеткі, і іх бацькі. Мы ўсе сыходзімся ў думцы, што прыгажосць не толькі дорыць добры настрой, але і выхоўвае ў дзяцей пачуццё эстэтыкі. Шчыра дзякуем раённаму выканаўчаму камітэту за аказаную нам фінансавую дапамогу, аддзелу па адукацыі – за хутка і якасна выкананую работу, а таксама за высокую ацэнку зробленага нашым калектывам з вашай падтрымкай.
Нагадаю, што на жнівеньскай педагагічнай канферэнцыі калектыў дзіцячага сада №4 быў быў адзначаны Падзякай Глыбоцкага райвыканкама за высокі ўзровень падрыхтоўкі да новага навучальнага года.
