3.4750 
3.6700 
3.3850 
Загрузка...Сёлета ўпершыню калектыў УП “Глыбоцкі мясакамбінат” прыняў удзел у народным конкурсе-дэгустацыі “Чэмпіён смаку”.
– Кожны год экспертна-дэгустацыйная камісія і народныя дэгустатары ўсляпую тэстыруюць прадукцыю беларускіх прадпрыемстваў-вытворцаў. На першым этапе эксперты вызначаюць адпаведнасць стандартам якасці, рэцэптуры, органалептычным паказчыкам і па выніках галасавання называюць фіналістаў. У другім этапе праходзіць народнае галасаванне ў ходзе якога размяркоўваюцца прызавыя месцы паміж удзельнікамі-фіналістамі. Сума вынікаў галасавання і вызначае сапраўднага “Чэмпіёна смаку”, – расказвае галоўны тэхнолаг прадпрыемства Таццяна Саковіч. – Па выніках абодвух этапаў, экспертнага і народнага галасавання, дыпломаў I ступені ўдастоены каўбаса “Савецкая” вараная мясная вышэйшага гатунку (з дабаўленнем мяса індычкі вышэйшага гатунку) і каўбаса мясная “Макоўская” вышэйшых катэгорыі і гатунку; дыпломаў II ступені – сардэлькі вараныя мясныя “Доктарскія смачныя” вышэйшага гатунку і каўбаса салямі мясная “Беларуская” вышэйшых катэгорыі і гатунку.
– Многія мясакамбінаты краіны, якія неаднаразова былі пераможцамі розных міжнародных конкурсаў, лічаць важным прыняць удзел і атрымаць адзнаку конкурсу “Чэмпіянат смаку”. Гэта вельмі важная перамога, бо яна дае права выкарыстоўваць на ўпакоўцы прадукта-пераможцы чэмпіёнскі лагатып, які з’яўляецца знакам поўнай адпаведнасці смаку спажыўцоў і народнага выбару.
