3.2900 
3.4700 
3.3900 
Загрузка...У асноўны дзень галасавання 9 жніўня мы пабывалі на выбарчым участку ў вёсцы Шуневічы Абрубскага сельсавета. Выбарчы ўчастак №18 знаходзіцца ў будынку аграсядзібы ААТ “Глыбоцкі камбікормавы завод”, дзе раней была Шуневіцкая СШ.
– У нас на ўчастку 605 галасуючых. Надомнае галасаванне забяспечваюць тры выязныя брыгады. Заяўкі паступілі ад жыхароў вёсак Прыпернае, Сарокі, Харашкі, Шуневічы, Падгаі і Бацілоўшчына. Усяго на даму прагаласуюць 98 чалавек, – гаворыць старшыня выбарчай камісіі Алена Цяліца.
Я далучылася да адной з брыгад і пабывала ў вёсцы Харашкі. Зінаіда Карплюк, сустрэла нас на ганку, дзе грэўся на сонейку яе любімы кот Бельчык. Зінаіда Мікалаеўна – былы гандлёвы работнік з 33-гадовым працоўным стажам. Працавала ў колішнім універсаме, на скрыжаванні вуліц Чырвонаармейскай і Леніна, а затым доўгі час — у кулінарыі, што ў самым цэнтры горада. Цяпер яна пенсіянерка і дамашняя гаспадыня, якая не губляе пачуцця гумару і заўсёды прыветліва сустракае гасцей, бо за гады работы прывыкла быць з людзьмі і сярод людзей.
У той дзень на ўчастку №18 трое маладых людзей галасавалі ўпершыню. З адным з іх, са Станіславам, увялося пазнаёміцца: ён разам з прыёмнай мамай Ларысай Анатольеўнай Юргель якраз прыйшоў галасаваць.
Паўналетнім грамадзянінам-беларусам Станіслаў стаў 7 сакавіка гэтага года. Хлопец вучыўся ў СШ№3 горада. Пасля 9-і класаў паступіў ў Віцебскі дзяржаўны тэхналагічны каледж на спецыяльнасць столяра-станочніка- рамшчыка. Пасля года вучобы яго размеркавалі ў Дзвінскую эксперыментальную лясную базу Інстытута лесу Нацыянальнай Акадэміі навук РБ, дзе ён цяпер і працуе. Мама Ларыса Анатольеўна кажа, што прафесія Станіславу па душы — выбар зроблены правільны. У верасні хлопец працягне вучобу, а сёння зрабіў першы самайстойны выбар сваёй будучыні.Старшыня выбарчай камісіі №18 Алена Іосіфаўна Цяліца павіншавала Станіслава і ўручыла яму напамяць пра гэты дзень сувеніры ал РК ГА “БРСМ”.
Печать
