2.6700 
2.8600 
3.8500 
Загрузка...Арганізатарамі гэтага мерапрыемства сталі ТАА “БелБрэнд Аудыт”, камітэт эканомікі аблвыканкама, Віцебскі гарвыканкам, ДП “Віцебскі абласны цэнтр маркетынгу”, галоўнае ўпраўленне па адукацыі, упраўленне культуры аблвыканкама, ДУ “Цэнтр культуры “Віцебск” і абласная арганізацыя ГА “Беларускі рэспубліканскі Саюз моладзі”.
Праграма свята ўключала ў сябе шмат цікавага: выставы Еўразійскай Творчай Гільдыі і беларускіх мастакоў; прадукцыі беларускіх прадпрыемстваў, народных майстроў, рамеснікаў і дызайнераў, на якой можна было не толькі ўбачыць і падзівіцца, але пакаштаваць і купіць смачныя навінкі вытворчасці і эксклюзіўныя вырабы; выстава інавацыйных праектаў; паказ модных калекцый дызайнераў Нацыянальнай школы прыгажосці; арт-квест па гістарычных і культурных мясцінах Віцебска; брэнд-лабараторыя, прэзентацыі і майстр-класы па стварэнні і рэкламе беларускіх брэндаў, літаратурныя чытанні, прэзентацыі паэтычнага зборніка вершаў класікаў беларускай паэзіі Максіма Багдановіча, Янкі Купалы і Якуба Коласа, выдадзенага ў Лондане пры ўдзеле Пасольства Рэспублікі Беларусь у Велікабрытаніі і Паўночнай Ірландыі. Кожны мог знайсці тут куточак для душы, знаёмства і карыснага адпачынку.
—Прыемна, што на гэтае свята запрасілі і прадстаўнікоў Глыбоччыны. Акрамя мяне ў ім прынялі ўдзел фіналісткі рэспубліканскага этапа маладзёжнага праекта “100 ідэй для Беларусі” Аксана Рудак, Кацярына Курдо, Ксенія Хахолка і Юлія Атопкіна. Дзяўчаты пад кіраўніцтвам Аксаны Шпакавай прадстаўлялі праект “Лялька. Бай”. Зробленыя рукамі выхаванцаў гуртка “Дэкаратыўны дызайн” Цэнтра дзяцей і моладзі пад кіраўніцтва Ірыны Пачкоўскай лялькі былі не толькі апрануты ў нацыянальныя ўборы, але мелі казачныя имёны і чыста наш, мясцовы, говар, — расказвае II сакратар РК ГА “БРСМ” Юлія Казлова.
Дзед Баюн, напрыклад, распавядаў прысутным на свяце беларускія казкі, Весялінка спявала беларускія народныя песні, Сплюша – калыханкі, пад якія соладка засынаюць дзеткі….Гледачам вельмі спадабаліся глыбоцкія лялькі, якія размаўлялі і спявалі па-беларуску.
У рамках свята былі падведзены вынікі рэспубліканскага сацыялагічнага даследавання “Маладзёжны брэнд-2020”. У розных намінацыях узнагароды атрымалі такія вядомыя беларускія брэнды, як “Дарыда”, “Марка”, “Марк Фармэль” і іншыя, у тым ліку Падзяку арганізатараў мерапрыемства — Юлія Казлова, а мы – сертыфікат удзельнікаў.
Выдатную музыку і добры настрой на працягу ўсяго мерапрыемства гледачам дарылі каманда чэрлідынгу “Night wolfs” і музычнага праекта “OliA, удзельнікі канцэртнай праграмы “Музычная гісторыя Беларусі”, лаўрэат Міжнароднай музычнай прэміі ЕАЭС “Belbrand AWARD” Аляксандр Музыкантаў, фіналістка Нацыянальнага адбору Еўрабачання Дар’я Хмяльніцкая і іншыя, не менш таленавітыя, хлопцы і дзяўчаты.
Мне здаецца, што слоган “Свой сярод сваіх”, пад якім праходзіла свята, выдатна адлюстроўвае сутнасць мерапрыемства, якое, сабрала і аб’яднала таленавітых, творчых і працавітых людзей, якія ўмеюць і гатовы дасягаць пастаўленых мэт. Свята беларускага брэнда стала месцам, дзе мы маглі знайсці новых сяброў, атрымаць цікавы і карысны досвед, набыць новыя веды і проста класна правесці вольны час.
Кацярына Курдо, СШ№3.
Печать
