3.1350 
3.3900 
3.6350 
Загрузка...Альхімёнак Мікалай Паўлавіч, жыхар вёскі Загор’е, загінуў 17 красавіка 1945 года на рацэ Одэр…
Сіманковіч Усцін Юльянавіч, жыхар вёскі Запруддзе, загінуў 6 сакавіка 1945 года…
Кірылаў Фёдар Патапавіч, жыхар вёскі Сорыкі, загінуў у 1945 годзе пад Берлінам…
Ім і іншым землякам, героям Вялікай Айчыннай вайны, быў прысвечаны мітынг “Памяць жыве”, які прайшоў ля помніка ў вёсцы Запруддзе і быў прымеркаваны да жалобнай даты – 22 чэрвеня. Мерапрыемства правялі супрацоўнікі Глыбоцкага аўтаклуба сумесна з работнікамі Запрудскага Дома фальклору і вучнямі Залескай СШ.
– Гэта заключны абласной патрыятычнай акцыі “Дарогамі памяці”, якую мы распачалі ў нашым раёне напрыканцы сакавіка. Мы прайшлі “дарогамі памяці” па месцах воінскіх пахаванняў з Глыбокага ў Плісу, прымалі сімвалы перамогі ад калег з Докшыцкага раёна і перадавалі іх аўтаклубу Шаркаўшчынскага раёна, а таксама ўшанавалі памяць герояўу Залескім сельсавеце. У год 75-годдзя Вялікай Перамогі падобныя мерапрыемствы набываюць яшчэ большую значнасць: дзеля сонечнага дзяцінства дзяцей і ўнукаў нашы землякі не шкадавалі свайго жыцця, – зазначыла дырэктар Глыбоцкага аўтаклуба Ірына Альхімовіч.
Фота прадастаўлена Глыбоцкім аўтаклубам
