Глыбачане прынялі ўдзел у рэспубліканскім суботніку

Жыхары Глыбоччыны прынялі актыўны ўдзел у рэспубліканскім суботніку, які адбыўся 25 красавіка. Многія працавалі на сваіх рабочых месцах. Нямала людзей было занята і на добраўпарадкаванні вытворчых і прыофісных тэрыторый ў горадзе і сельскіх населеных пунктах. А для хлебаробаў і ў дзень суботніка, канешне ж, галоўным клопатам былі палявыя работы.

Больш двух дзясяткаў работнікаў устаноў культуры раёна працавалі на тэрыторыі культурна-дэнтралагічнага цэнтра ў вёсцы Мосар, прыводзілі ў парадак  газоны і кветнікі. Прадстаўнікі гэтай сферы прыбіралі таксама тэрыторыю сквера Паэзіі і летняй рэзідэнцыі Вішнёвай каралевы. Значны аб’ём работ па добраўпарадкаванні гарадскога парка (пабелка дрэў, афарбоўка лавак, бардзюраў) выканалі работнікі УП ЖКГ Глыбоцкага раёна. Актыўна дапамагалі ім прадстаўнікі калектыву Дзяржаўнай установы адукацыі “Сярэдняя школа №2 г. Глыбокае”. Працавалі усе з агеньчыкам, з прыўзнятым настроем.

Нагадаем, што палова сродкаў, заробленых на суботніку жыхарамі нашай краіны, застаецца ў распараджэнні аблвыканкамаў. Яны накіроўваюцца на падрыхтоўку дзіцячых лагераў да лета, на добраўпарадкаванне населеных пунктаў, а таксама аднаўленне гісторыка-культурных каштоўнасцей, мемарыяльных комплексаў, мясцін баявой і воінскай славы часоў Вялікай Айчыннай вайны.

Яшчэ 50 працэнтаў пералічваецца Міністэрству фінансаў. Гэтыя сродкі ў роўных долях накіроўваюцца Нацыянальнаму мастацкаму музею і Гомельскаму аблвыканкаму для рэканструкцыі брацкага пахавання на месцы спаленай вёскі Ала ў Светлагорскім раёне.

Другие новости Глубокого и Глубокского района
читайте в печатной версии районной газеты «Веснік Глыбоччыны»

Печать