3.0750 
3.4600 
3.6450 
Загрузка...У рамках I этапа міжнароднай акцыі “Дзеля славы агульнай Перамогі” 21 верасня ў Глыбокім прайшоў мітынг Памяці.
Удзел у ім прынялі прадстаўнікі органаў мясцовай улады, грамадскіх аб’яднанняў і арганізацый, палітычных партый і прафесійных саюзаў, прадпрыемстваў і ўстаноў горада, дэлегацыі сельскіх выканаўчых камітэтаў.
Звяртаючыся да прысутных на мітынгу, старшыня Глыбоцкага райвыканкама Аляксандр Шубскі адзначыў каштоўнасць здабытай для нас перамогі, нагадаў аб святым абавязку памятаць пра гістарычнае мінулае і ўшаноўваць памяць пра герояў, што аддалі жыццё ў імя нашай мірнай будучыні.
—Мы ўваходзім у новую эпоху, у якой хутка не будзе жывых сведак далёкіх ваенных падзей. І тады замест іх “гаварыць” будзе зямля, палітая крывёй вызваленцаў, узятая з месц іх гібелі і апошняга прыстанку. Мы бяром зямлю з воінскіх захаванняў Глыбоччыны ў імянную капсулу і перададзём на часовае захаванне ў камісарыт Глыбоцкага і Шаркоўшчынскага раёнаў. У красавіку 2020 года ў мемарыяльным комплексе “Хатынь” ва Ушацкім раёне пройдзе II этап акцыі “Дзеля славы агульнай Перамогі”, у ходзе якой будзе сабрана зямля з брацкіх захаванняў Віцебскай вобласці. 9 мая 2020 года імянныя капсулы, у тым ліку і з нашага раёна, будуць змешчаны ў крыпту храма-помніка ў гонар Усіх Святых у Мінску для вечнай малітвеннай памяці, — гаварылі вядучыя.
Права зрабіць забор зямлі з воінскага захавання №4060 у парку Перамогі было прадстаўлена Ніне Кірылаўне Целеш, ветэрану Вялікай Айчыннай вайны, кавалеру ордэна Айчыннай вайны II ступені, адзінай у Беларусі жанчыне, якая прайшла вайну ад Сталінграда да Берліна, старшыні райвыканкама Аляксандру Шубскаму і старшыні раённага Савета дэпутатаў Галіне Унуковіч. Пад час жалобнай цырымоніі ў капсулу была змешчана зямля з воінскіх захаванняў №№7552, 5600, 5602, 5601, 2196, 7555, 5595, 5598, 7554,7553, 7551,4873,4068,4067,4066, 5597, 4070, 4069,4065, 4064, 7550, 5596, 4061, 7557, 4062, 5599,4872,4063,7556, 4871, 2195. Мітынг скончыўся ўскладаннем вянкоў і кветак да помніка.
