ВІШАНЬКІ – АД ШКЛОЗАВОДА “НЁМАН”

Па заказе Глыбоцкага райвыканкама да VII міжнароднага свята “Вішнёвы фестываль” на шклозаводзе “Нёман”, які знаходзіцца ў пасёлку Бярозаўка Лідскага раёна Гродзенскай вобласці, выпушчана партыя эксклюзіўнай сувенірнай прадукцыі з каляровага шкла. Вытанчаная работа – дзве прыгожыя шкляныя вішанькі, падобныя на вішанькі-ноткі, што сталі сімвалам, эмблемай нашага фестывалю. Менавіта такі арыгінальны сувенір будзе ўручаны гасцям, якія прыбудуць на свята ў складзе афіцыйных дэлегацый.

Ганарова, што прадпрыемства з векавымі традыцыямі шклаварэння і шырокай сусветнай вядомасцю (прадукцыя завода “Нёман” карыстаеццаа папулярнасцю ў Расіі, Францыі, Італіі, Канадзе), выконвала спецыяльны заказ і для нашага “Вішнёвага фестывалю”. Такім чынам, сёлета яркая рознакаляровая фестывальная палітра аздобіцца ігрыстым шкляным вішнёвым бляскам.

Печать