«ГЛЫБОЦКАЯ ЛЫЖНЯ-2019»

У ваколіцах возера Бяглец 26 студзеня гэтага года пройдзе раённае спартыўна-мастацкае свята “Глыбоцкая лыжня-2019”, прысвечанае Году малой радзімы. У ім прымуць удзел прыхільнікі здаровага ладу жыцця, аматары фізічнай культуры і спорту, каманды прадпрыемстваў, арганізацый і ўстаноў раёна, зборныя каманды сельсаветаў і ўстаноў адукацыі.

У праграме спартыўна-мастацкага свята лыжныя эстафеты сярод каманд прадпрыемстваў і арганізацый, сельсаветаў і ўстаноў адукацыі, індывідуальныя лыжныя гонкі сярод спартсменаў-аматараў і маладых спецыялістаў раёна. Пройдуць таксама спаборніцтвы па стральбе па мішэнях, перацягванні каната, па міні-футболе і снежным валейболе, па шахматах, армрэстлінгу, гіравым спорце і дартсе. А яшчэ будуць арганізаваны конкурсы снежных фігур і сярод аматараў зімовай рыбалкі “Зімні клёў”.
Айда на лыжню, сябры! Зарадзімся бадзёрым духам, спартыўным азартам і  цудоўным зімовым настроем!

Печать