У МІНУЛУЮ СУБОТУ Ў ГЛЫБОКІМ ПРАЙШЛІ СПАБОРНІЦТВЫ ПА ХАКЕІ “ЗАЛАТАЯ ШАЙБА” НА ПРЫЗЫ ПРЭЗІДЭНТА РЭСПУБЛІКІ БЕЛАРУСЬ

У мінулую суботу ў Глыбокім на хакейнай пляцоўцы на вуліцы Палявой прайшлі спаборніцтвы першага этапу сярод дзяцей і падлеткаў па хакеі “Залатая шайба” на прызы Прэзідэнта Рэспублікі Беларусь. У іх прынялі ўдзел юнакі 2002-2003 гадоў нараджэння.

Каб вызначыць лепшую хакейную дружыну, у гэты дзень на лядовую пляцоўку выйшлі юныя прыхільнікі гэтай папулярнай гульні з мікрараёнаў СШ №1, СШ №2, СШ №3 горада Глыбокае.  Ва ўпартай барацьбе перамогу заваявалі хакеісты мікрараёна СШ №3 горада. На другім і трэцім месцах адпаведна каманды мікрараёнаў  СШ №2 і СШ №1.

Каманда мікрараёна СШ №3 горада як пераможца першага этапу  прыме ўдзел  у абласных спаборніцтвах па хакеі “Залатая шайба”, якія пройдуць у Віцебску.

Печать