У мінулую пятніцу ў гарадскім Доме культуры адбыўся святочны сход, прысвечаны Дню работнікаў сельскай гаспадаркі і перапрацоўчай прамысловасці АПК. На ім былі падведзены вынікі работы за дзесяць месяцаў 2017 года. Лепшым кіраўнікам, спецыялістам, жывёлаводам, механізатарам, работнікам перапрацоўчай прамысловасці, вучням школ раёна, якія ў час летніх канікулаў працавалі на палях гаспадарак, уручаны прэміі і падарункі. Каля 250 чалавек атрымалі ўзнагароды.
Адметным падарункам, нечаканым сюрпрызам для ўдзельнікаў сходу стала выступленне нацыянальнага акадэмічнага народнага хору Рэспублікі Беларусь імя Г. І. Цітовіча.
Цёплыя, шчырыя словы за самаадданую працу выказаў ў сваім выступленні ўдзельнікам урачыстасці, сярод якіх былі і ветэраны працы, вядомыя, заслужаныя на Глыбоччыне людзі, старшыня райвыканкама Алег Морхат.
—Сёння стаіць задача не толькі павысіць вынікі ў раслінаводстве, жывёлагадоўлі, але і захаваць тое, што гадамі кавалі нашы папярэднікі, ветэраны працы, — пакрэсліў Алег Морхат.
Фота Наталлі БЕЛЬСКАЙ.