Паэт з Глыбокага – намінант на атрыманне Нацыянальнай літаратурнай прэміі

Сёлета, 2-3 верасня, Полацк у трэці раз стане сталіцай рэспубліканскага свята, прысвечанага Дню беларускага пісьменства. У старажытным горадзе над Дзвіной, з якім непасрэдна звязаны лёс беларускага першадрукара Францыска Скарыны, нашага вялікага асветніка, які 500 гадоў таму першым выдаў на роднай мове кнігу кніг – Біблію, пройдуць разнастайныя святочныя мерапрыемствы. І адной з самых галоўных святочных падзей мае быць урачыстая цырымонія ўручэння Нацыянальнай літаратурнай прэміі ў васьмі намінацыях.

Прыемна паведаміць вам, паважаныя чытачы, што ў намінацыі “Паэзія” на атрыманне Нацыянальнай літаратурнай прэміі вылучаны наш зямляк, член саюза пісьменнікаў Беларусі і, што асабліва прыемна, – наш калега, загадчык аграпрамысловага аддзела рэдакцыі “ВГ” Алесь Жыгуноў з кнігай “У храме радасці і смутку”. Разам з ім на атрыманне прэміі ў гэтай намінацыі прэтэндуюць яшчэ дзевяць аўтараў: Анатоль Аўруцін, Ганат Чарказян, Людміла Кебіч, Аляксандр Сяроў, Марыя Кобец, Віктар Рэчыц, Алесь Пісарык, Рагнед Малахоўскі і Таццяна Сівец.

Печать