Як глыбачаніну пачаць свой бізнес?

Праблема працоўнай занятасці насельніцтва – адна з найбольш актуальных і вырашаць яе гараджанам і вяскоўцам усялякімі шляхамі дапамагае дзяржава.

Калі чалавек нідзе не працуе і афіцыйна зарэгістраваны ў Цэнтры занятасці, гэта не значыць, што ў яго няма шанцаў знайсці сваё месца ў жыцці і быць патрэбным сям’і і грамадству. Наадварот, менавіта статус беспрацоўнага – адна з умоў атрымання дзяржаўных субсідый для адкрыцця ўласнай справы. Пра фінансавы “Старт” і магчымасць удзелу ў ім гаворым з начальнікам аддзела па занятасці насельніцтва ўпраўлення па працы, занятасці і сацыяльнай абароне райвыканкама Раісай Аляксандраўнай Пятроўскай.

—Як даўно дзяржава прадставіла такую магчымасць беспрацоўным?

—У сакавіку 2008 года пасля прыняцця Пастановы Савета Міністраў Рэспублікі Беларусь № 342 “Аб зацвярджэнні Палажэння аб садзейнічанні беспрацоўным ў арганізацыі прадпрымальніцкай дзейнасці…”

—Якія ўмовы трэба выканаць, каб атрымаць такую субсідыю?

—Беспрацоўны павінен быць паўналетнім, не мець заканадаўчых парушэнняў, падаць па месцы рэгістрацыі ў якасці беспрацоўнага заяву на атрыманне субсідыі і безнес-план з апісаннем сваёй дзейнасці, затрат і выніковасці праекта.

—Якая далейшая схема субсідзіраваннай дзейнасці?

—Сродкі пад праект выдзяляюцца з дзяржаўнага пазабюджэтнага фонда сацыяльнай абароны насельніцтва і пералічваюццца на рахунак грамадзяніна. Субсідыі прадстаўляюцца ў памеры 11-разовай велічыні бюджэту пражытачнага м німуму (БПМ) у сярэднім на душу насельнітва, які дзейнічае на момант заключэння дагавора з беспрацоўным на іх атрыманне.

З 1 жніўня гэтага года – велічыня дапамогі на развіццё ўласнай справы складае 19 мільёнаў 305 тысяч старых рублёў. Калі беспрацоўны будзе аказваць паслугі ў сферы аграэкатурызму ці займацца рамесленай дзейнасцю ш сельскіх населеных пунктах, субсідыя выдаецца ў 15-разовым памеры БПМ. Са жніўны гэта сума 26 мільёнаў 325 тысяч рублёў. Атрымаўшы грошы, грамадзянін сам вызначае: будзе ён карыстацца наяўнымі грашыма ці набываць патрэбнае за безнаяўны разлік.

У трохмесячны тэрмін са дня рэгістрацыі прадпрымальнікам грамадзянін павінен прадставіць нам дакументы і чэкі, што пацвярджаюць зрасходаваныя субсідыі ў адпаведнасці з бізнес-планам і дагаворам, і працаваць. Калі грамадзянін з моманту рэгістрацыі адпрацуе не менш за 12 месяцаў, будзе спраўна плаціць падаткі і ўзносы ў Фонд сацыяльнай абароны, то вяртаць атрыманыя субсідыі яму не прыйдзецца.

Печать