На электронны адрас рэдакцыі прыйшоў допіс ад жыхара вёскі Зарубіна Карабоўскага сельсавета Рамана Пачкоўскага. Ён паведаміў наступнае: “У нас праблема: неяк мы хацелі падключыць кабельнае  тэлебачанне, але нам сказалі, што ў нас старая тэлефонная падстанцыя, чакайце гады два, і вось ужо трэці пайшоў, але нічога. Сёння думалі Інтэрнэт падключыць, але ніяк, вінаватая тэлефонная станцыя. Быццам бы адрэзаныя ад свету. Ва ўсіх з вёскі такія нязручнасці. Скажыце, калі нам паставяць новую падстанцыю?”

Здаецца, звычайны гарадскі малюнак: жанчына чытае газету, седзячы на лаўцы. Толькі ў супрацоўнікаў гарадскога цэнтра культуры ў той  дзень падобная карціна  выклікала багата негатыўных эмоцый. Чаму? Тлумачым. За колькі гадзін да з’яўлення аматаркі чытання на прыродзе, лаўкі ў невялічкім парку за будынкам ГЦК былі пафарбаваны, вароты зачынены на засоўку, павешана таблічка “Асцярожна! Афарбавана”.