Глыбоцкія школьнікі здаюць экзамены

1 Звезда2 Звезды3 Звезды4 Звезды5 Звезд (3 оценок, среднее: 5,00 из 5)
Загрузка...

Для вучняў 9 «Б» класа Глыбоцкай раённай гімназіі, як і для ўсіх іх равеснікаў і старэйшых сяброў, выпускнікоў 11-х класаў нашай краіны, зараз самы адказны і напружаны перыяд. Ідуць выпускныя экзамены. Хвалююцца юнакі і дзяўчаты, хвалююцца іх бацькі і настаўнікі. Хвалююцца і радуюцца выдатным адзнакам, якія пацвярджаюць трываласць атрыманых ведаў.

У раённай гімназіі адзінаццаты клас сёлета заканчваюць 25 выпускнікоў. «Выдатны наш калектыў, – кажа класны кіраўнік Зоя Уладзіміраўна Міхалевіч. – Усе старанныя, працавітыя, таленавітыя. А двое з іх – Арына Ламачэнка і Валерыя Ласоўская – прэтэндэнты на залаты медаль».

Дзевяцікласнікам – а іх 51 – застаецца здаць адзін экзамен. Класныя кіраўнікі Лідзія Анатольеўна Раманчук і Алена Мікалаеўна Рудак і ўсе педагогі падбадзёрваюць іх. Што ні кажыце, а падтрымка вунь як патрэбна – першыя ў жыцці экзамены! На атрыманне пасведчання аб базавай адукацыі з адзнакай прэтэндуюць Ганна Авджан, Дар’я Карніловіч, Эвеліна Шуран, Максім Кадушкевіч і Варвара Казакова.

Пажадаем гімназістам і ўсім выпускнікам раёна выдатных адзнак і поспехаў на далейшым жыццёвым шляху!

Вам может понравиться



Веснік Глыбоччыны - Новости г. Глубокое и Глубокского района,
© Авторское право принадлежит учреждению "Редакция районной газеты "Веснік Глыбоччыны" Глубокского района , 2021г.
Гиперссылка на источник обязательна. Условия использования материалов.


Рейтинг@Mail.ru
Яндекс.Метрика Рейтинг@Mail.ru