Адзіная дыспетчарская служба “115” – да паслуг жыхароў Глыбоччыны

1 Звезда2 Звезды3 Звезды4 Звезды5 Звезд (3 оценок, среднее: 5,00 из 5)
Загрузка...

Нагадваем, што  з  1 ліпеня 2019 года  па ўсёй рэспубліцы,  круглыя суткі, без выхадных і перапынкаў на  абед, працуе адзіная дыспетчарская служба “Кантакт-цэнтр 115”. З пытаннямі, якія ўзнікаюць у  сферы жыллёва-камунальнага абслугоўвання, жыхары Глыбоччыны   могуць  звяртацца на кароткі нумар “115”.

Віцебская вобласць падзелена на 3  зоны абслугоўвання: Віцебскую, Аршанскую і  Полацка-Наваполацкую, куды  ўваходзіць  наш раён.

За перыяд з 1 ліпеня 2019  да 8 снежня 2020 года на адзіны нумар  “115”  паступіў 4 081 зварот жыхароў Глыбоччыны. На 8 снежня з пачатку гэтага года  былі  зарэгістраваны  2 903 заяўкі. За дзень у сярэднім  на  нумар “115” паступае 30-50 тэлефонных зваротаў.

А вось паквартальныя дадзеныя зваротаў грамадзян на “115”: у  III квартале 2019 года было 356 зваротаў, у IV – 830, што  ўдвая больш. У  I квартале 2020 года – 609, у  II – 752, у  III – 673, у  IV, які яшчэ не закончыўся, ужо 895.  Маніторынг паказвае, што 10% званкоў – “пустыя” па прычыне неінфармаванасці грамадзян.

Работа па наладжванні экспрэс-камунікацыйных сувязяў  з насельніцтвам  працягваецца. Цяпер  абмяркоўваецца  пытанне аб стварэнні адзінай, не вузкапрофільнай, а  больш маштабнай бытавой службы выратавання, якая аб’яднае жыллёва-камунальную, сферу энергетыкі, газавую  гаспадарку. Пералічаныя службы ўжо маюць свае адзіныя нумары, засталося іх аб’яднаць і скаардынаваць работу ў рамках вызначаных зон абслугоўвання.

Вам может понравиться



Веснік Глыбоччыны - Новости г. Глубокое и Глубокского района,
© Авторское право принадлежит учреждению "Редакция районной газеты "Веснік Глыбоччыны" Глубокского района , 2021г.
Гиперссылка на источник обязательна. Условия использования материалов.


Рейтинг@Mail.ru
Яндекс.Метрика Рейтинг@Mail.ru