Колькасць шлюбаў у ліпені вырасла

Па статыстычных дадзеных аддзела ЗАГС райвыканкама ў параўнанні з чэрвенем 2020-га колькасць шлюбаў павялічылася амаль ўдвая: з 14 – да 27.

25 пасведчанняў аб рэгістрацыі шлюбу выдалі спецыялісты органаў ЗАГС райвыканкама, 2 – у Падсвільскім сельвыканкаме. Прычым 19 маладажонаў пажадалі першыя сямейныя дакументы атрымаць ва ўрачыстай абстаноўцы.

22 жаніхі і нявесты ўступалі ў шлюб упершыню.

4 новыя сям’і – інтэрнацыянальныя. Дзве нявесты і адзін жаніх – грамадзяне Расійскай Федэрацыі, яшчэ адзін жаніх – з Туркменістана.

Сярэдні ўзрост жаніхоў – 31 год, нявест – 27. Самай юнай нявесце споўнілася 18 гадоў, самаму юнаму жаніху – 21 год.

У якім узросце найчасцей выходзяць замуж? Лічбы ліпеня паказваюць наступнае: па тры нявесты – ва ўзросце 20, 22, 23, 25 гадоў.  А што наконт жаніхоў?  4 мужчыны вырашылі жаніцца ў 24 гады.

Рэгіструюць шлюб глыбачане і пасля 50 гадоў: у ліпені 2020-га – 6 маладажонаў ва ўзросце, прычым самай сталай нявесце 66 гадоў, жаніху – 67.

Ёсць і непрыемныя ліпеньскія лічбы: дзве сям’і пажадалі свой шлюб скасаваць.

Другие новости Глубокого и Глубокского района
читайте в печатной версии районной газеты «Веснік Глыбоччыны»

Печать