Фестывальная навінка ад Глыбоцкага мясакамбіната

Сёлета УП “Глыбоцкі мясакамбінат” прадаўжае актыўную работу па вырабу новых відаў прадукцыі.

– Пры гэтым мы не канцэнтруем увагу на асобных групах, а працуем па ўсім, а гэта  больш за 250  найменняў прадукцыі – асартыменце: і па сацыяльна-значымых таварах, і па прадуктах дэлікатэснай групы. За I паўгоддзе гэтага года  мы  вырабілі 20 новых відаў прадукцыі, якая прыйшлася  да смаку нашым партнёрам, заказчыкам і пакупнікам. Сярод іх зельцы “Сальцісон Польскі з карнішонамі” і “Чырвоны па-чэшску”, каўбаса сыравэнджаная “Навінка” вышэйшага гатунку; новая лінейка “На дрывах” – варана-вэнджаныя каўбасы незвычайнай геаметрычнай формы і прадукцыя класа “прэміум” групы сыравяленых з  ялавічыны, такі, як “Тар-тар з  духмяным  перчыкам”, – расказвае галоўны тэхнолаг прадпрыемства  Таццяна Саковіч. –  Некалькі гадоў перад “Вішнёвым фестывалем” мы частавалі  яго ўдзельнікаў  і гасцей  “вішнёвай” каўбаскай і шашлыком з вішнямі.

Сёлета падрыхтавалі зусім новы прадукт – сыравялены рублены  “Тар-тар Глыбоцкі”  з вішняй – прэзентацыя і дэгустацыя якога і адбудзецца на свяце. Хачу адзначыць, што прадукт – з серыі элітных, вырабляем мы яго са свежай астуджанай  ялавічыны, якая пасля пасолу і гатоўнасці прыпраўляецца спецыямі і  вострай прыправай, а таксама свежымі ці сушанымі ягадамі, у нашым выпадку, вішнямі.

Далей прадукцыя, упакаваная ў спецыяльную  ядомую абалонку, падпрэсоўваецца ў спецыяльных формах, а затым крыху падвэнджваецца дымам ад спальвання букавай шчапы. У выніку атрымліваецца  пахучы прадукт з незабыўным смакам, які ўпрыгожыць любы святочны, у нашым выпадку, вішнёва-фестывальны стол.

Другие новости Глубокого и Глубокского района
читайте в печатной версии районной газеты «Веснік Глыбоччыны»

Печать