НОВАЯ ДАТА Ў ГІСТОРЫІ ВЁСКІ ПЛІСА ГЛЫБОЦКАГА РАЁНА

1 Звезда2 Звезды3 Звезды4 Звезды5 Звезд (Пока оценок нет)
Загрузка...

Вёска Пліса – адна са старажытнейшых на Глыбоччыне. Аднак яе гісторыя, якая налічвае больш як 5 стагоддзяў, даследавана не дастаткова.

Пліса-на-карце-ВКЛ

Нават з годам першага ўпамінання Плісы ў пісьмовых крыніцах не ўсё адназначна. І вось чаму.

У любым энцыклапедычным выданні пазначана, што гэты населены пункт ўпершыню згадваецца ў 1507 годзе. У выдадзеных даследчыкамі Сапуновым і Друцкім-Любянекцкім “Материалах по истории и географии Дисненского и Вилейского уездов Виленской губернии” размешчаны прывілей караля Жыгімонта І Старога, з якога вынікае, што першапачаткова маёнтак Пліса прыналежыў знакамітаму палітычнаму дзеячу ВКЛ Канстанціну Астрожскаму, які 7 ліпеня 1507 года прадаў яго шляхцічу Мікалаю Петуху.

Аднак, яшчэ раней, у 1863 годзе, быў выдадзены першы том “Актов Северной и Западной России”, дзе размяшчаецца яшчэ адзін прывілей усё таго ж Жыгімонта Старога, згодна якога полацкі харунжы Петух атрымаў ад “пани Зоф и Микалаевой Радивиловои, князне Жеславской именице, названое Плиса в Полоцком повете”. Дакумент датуецца 27 чэрвеня 1507 года. Атрымліваецца, што Петух двойчы купіў Плісу ў розных гаспадароў з інтэрвалам усяго толькі ў 11 дзён!

Такая неадпаведнасць зацікавіла доктара гістарычных навук Ганну Харашкевіч, якая даследавала абодва дакументы і высветліла – гэта падробкі, створаныя ў канцы XVII – пачатку XVIII стагоддзя. Так што пытанне аб першым упамінанні Плісы ў пісьмовых крыніцах і яго першых уладарах заставалася адкрытым.

І вось кандыдат гістарычных навук Васіль Варонін у рукапісных зборах Варшаўскага ўніверсітэта выявіў “ліст”, паводле якога 2 кастрычніка 1492 г. Багдан i Глеб Астаф’евічы Kopcaкі набылі Плісу ў Сямёна i Ходара Іванавічаў Васкавічаў. Сумненняў у сапраўднасці гэтага дакумента, у адрозненні ад апублікаваных раней, у даследчыкаў няма.

Такім чынам, з вялікай доляй верагоднасці можна гаварыць, што першым гаспадаром Плісы быў не знакаміты князь Астрожскі, а нашчадкі віцебскага князя Васількі Святаславіча – Васількавічы. Ды і само мястэчка пастарэла на 15 гадоў, і датай яго летапіснага “нараджэння” становіцца 2 лістапада 1492 года!

Вам может понравиться

Добавить комментарий

Ваш e-mail не будет опубликован. Обязательные поля помечены *

один × 2 =



Веснік Глыбоччыны - Новости г. Глубокое и Глубокского района,
© Авторское право принадлежит учреждению "Редакция районной газеты "Веснік Глыбоччыны" Глубокского района , 2016г.
Гиперссылка на источник обязательна. Условия использования материалов.


Рейтинг@Mail.ru
Яндекс.Метрика Рейтинг@Mail.ru HotLog

Мы в соцсетях!

У нас есть группа в Одноклассники
Присоединяйся и будь в курсе всего!


А еще мы есть в: