На Глыбоччыне адзначылі Дзень работнікаў культуры

1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...

У мінулую нядзелю ў гарадскім Доме культуры прайшло свята, прысвечанае Дню работнікаў культуры. Удзельнікаў гэтага знакавага мерапрыемства павіншаваў старшыня райвыканкама Алег Морхат (віншаванне прачытала намеснік старшыні райвыканкама Таццяна Малатоўнік).

%d0%ba%d1%83%d0%bb%d1%8c%d1%82%d1%83%d1%80%d0%b09

Лепшым з лепшых работнікаў культуры ўручаны ўзнагароды, у іх адрас прагучалі добрыя словы, ім дарылі свой талент музыкі, спевакі, танцавальныя калектывы.

%d0%ba%d1%83%d0%bb%d1%8c%d1%82%d1%83%d1%80%d0%b08

Свята запомнілася не толькі відэафільмам Уладзіславы Барылы пра самыя яркія падзеі сёлетняга культурнага жыцця Глыбоччыны, вельмі шчырай цырымоніяй узнагароджвання, вялікай цікавай канцэртнай праграмай, але і надзвычай цёплай абстаноўкай у зале, у якой прысутнічалі спецыялісты, работнікі культуры і мастацтва, кіраўнікі і педагогі дзіцячых школ мастацтваў і Дамоў рамёстваў, удзельнікі аматарскіх аб’яднанняў і мастацкай самадзейнасці.

Словам, у гэты дзень у Дом культуры прыйшлі людзі незвычайнай прафесіі, з якімі мы сустракаемся на ўсіх каляндарных, прафесійных, гарадскіх, сельскіх, дзіцячых, сямейных і іншых святах; людзі, якія дораць нам свой талент, цяпло, радасць і любоў.

%d0%ba%d1%83%d0%bb%d1%8c%d1%82%d1%83%d1%80%d0%b07

І мы, шчыра ўзнагароджваючы іх апладысментамі, наўрад задумваемся над тым, як гэта не проста сёння ў час найноўшых тэхналогій быць культработнікам, словам, танцам, музыкай зачароўваць сэрцы патрабавальных гледачоў. Выйсці на сцэну – гэта яшчэ не ўсё. Трэба выйсці і выступіць так, як гэта ўмеюць нашы вядомыя калектывы “Цярэшка”, “Крынічанька”, “Vivat”, спевакі Тамара Калантай, Жанна Нарыцына, Эла Гімбіцкая, Павел Пеляёнак, Браніслаў Грамакоўскі, Дзмітрый Джаўшанашвілі (многія іншыя), так, каб кожны з прысутных у зале (або на іншай сцэнічнай пляцоўцы) адчуў, што ў яго ёсць душа, што гэтая душа жыве, хвалюецца, перажывае, што яна здольная адгукацца на прыгожае.

%d0%ba%d1%83%d0%bb%d1%8c%d1%82%d1%83%d1%80%d0%b06
Зрэшты, гэта тычыцца не толькі артыстаў, якія выходзяць на сцэну: творча, самааддана працуюць многія нашы народныя майстры, мастакі, работнікі бібліятэк, музея, словам ўсе-ўсе работнікі культуры.
У Год культуры ім – наша павага і любоў.

%d0%ba%d1%83%d0%bb%d1%8c%d1%82%d1%83%d1%80%d0%b05

Уявім такое: на гэтым свяце прысутнічаў чалавек, які ўпершыню трапіў у наш раён, які і чуць не чуў пра культуру Глыбоччыны. Перакананы: аднаго відэафільма, які мы прагледзелі напачатку, хапіла б, каб ён быў уражаны да глыбіні душы і шчыра ўсклікнуў: “Дык вы ж малайцы! Такога я нідзе не бачыў!”

%d0%ba%d1%83%d0%bb%d1%8c%d1%83%d1%82%d1%80%d0%b010
Сапраўды: фільм уразіў тым, што змог перадаць усю разнастайнасць і высокі ўзровень правядзення святаў, якія прайшлі ў гэтым годзе на Глыбоччыне, маштабнасць іх, шматлюднасць, яркія выступленні таленавітых артыстаў. А праведзеных святаў лічыць і не злічыць: “Вясёлыя галасы”, “Песні юнацтва нашых бацькоў”, святы вёсак, “Квітней Глыбоччына”, “Вішнёвы фестываль”, “Пад зоркай Буйніцкага”, “Мядовы спас”, “Падсвільскі світанак”… Зрэшты, усе святы і не пералічыш. І не варта гэтага рабіць: яны ў памяці жыхароў горада і раёна. І ці не ва ўсіх святах прымаў самы актыўны ўдзел старшыня райвыканкама Алег Морхат. А гэта ўжо пра многае гаворыць, найперш пра тое, што Алег Віктаравіч развіццю культурнай галіны раёна надае вельмі вялікую ўвагу.

%d0%ba%d1%83%d0%bb%d1%8c%d1%82%d1%83%d1%80%d0%b04

Ужо гаварыў вышэй пра вельмі цёплую абстаноўку, атмасферу ў святочнай зале: трэба было бачыць і чуць, як радаваліся прысутныя за сваіх калег, якія выходзілі на сцэну і атрымлівалі ўзнагароды.

%d0%ba%d1%83%d0%bb%d1%8c%d1%82%d1%83%d1%80%d0%b03
Узнагароджаных было шмат. І па гэтай прычыне усіх назваць мы не можам. А вось трох чалавек, якія за шматгадовую і добрасумленную працу і значны ўклад ў развіццё сферы культуры Глыбоцкага раёна атрымалі падзяку Глыбоцкага раённага выканаўчага камітэта, назавём. Гэта ветэраны працы Генадзь Несцеравіч Шульга, Часлава Генрыхаўна Ваяводка, Сафія Мікалаеўна Жаваранак.

%d0%ba%d1%83%d0%bb%d1%8c%d1%82%d1%83%d1%80%d0%b011
Генадзь Несцеравіч, якому днямі споўнілася 80 гадоў, у 60-70 гады мінулага стагоддзя ўзначальваў аддзел культуры райвыканкама, сёння ён старшыня пярвічнай арганізацыі ветэранаў у сферы культуры раёна. Актыўны ўдзельнік народнага клуба “Маналіт”, Генадзь Несцеравіч цёпла павіншаваў прысутных і пажадаў маладым спецыялістам быць дастойнымі прадаўжальнікамі слаўных культурных традыцый папярэдніх пакаленняў. Юбіляру былі ўручаны кветкі і падарунак.

%d0%ba%d1%83%d0%bb%d1%8c%d1%82%d1%83%d1%80%d0%b02
Шмат чаго добрага зрабілі за гады сваёй працы на ніве культуры былая загадчыца філіяла №10 Ломашаўскага цэнтра культуры Часлава Генрыхаўна Ваяводка і былая загадчыца філіяла № 13 Івесьскага культурна-гістарычнага цэнтра Сафія Мікалаеўна Жаваранак.

%d0%ba%d1%83%d0%bb%d1%8c%d1%82%d1%83%d1%80%d0%b012
Дзесяць чалавек узнагароджаны Ганаровымі граматамі Галоўнага ўпраўлення ідэалагічнай работы, культуры і па справах моладзі Віцебскага аблвыканкама, сямнаццаць – Ганаровымі граматамі і падзякамі аддзела ідэалагічнай работы, культуры і па справах моладзі райвыканкама. Узнагароды спецыялістам і работнікам галіны культуры ўручылі намеснік старшыні райвыканкама Таццяна Малатоўнік і начальнік аддзела ідэалагічнай работы, культуры і па справах моладзі райвыканкама Таццяна Тарасевіч.

%d0%ba%d1%83%d0%bb%d1%8c%d1%82%d1%83%d1%80%d0%b01

На свяце цёплыя словы гучалі ў адрас як старэйшых работнікаў культуры (ветэранам працы ўручалі кветкі), так і маладых спецыялістаў. Так, на сцэну былі запрошаны маладыя, прыгожыя Кацярына Глябкоўская, Таццяна Кузьміч, Грэта Бекіш, Весна Бекіш, Таццяна Лабацэвіч, Уладзімір Бурэнь.

%d0%ba%d1%83%d0%bb%d1%8c%d1%82%d1%83%d1%80%d0%b013
Сімвалічна тое, што навыкі прафесіі культработніка яны атрымалі на глыбоцкай зямлі: Кацярына Глябкоўская займалася па класе баяна ў Аляксандры Уладзіміраўны Жынь, а Таццяна Кузьміч – у Марыі Пятроўны Трацэўскай, выкладчыкаў Глыбоцкай дзіцячай школы мастацтваў; Грэта і Весна Бекішы былі вучаніцамі Веранікі Аляксандраўны Навумёнак, выкладчыка па вакале і харавых спевах Глыбоцкай дзіцячай школы мастацтваў; Уладзімір Бурэнь многае пераняў у Мікалая Фёдаравіча Савуліча, педагога Падсвільскай дзіцячай школы мастацтваў.

%d0%ba%d1%83%d0%bb%d1%8c%d1%82%d1%83%d1%80%d0%b014
Слова на дарогу сказала ім ветэран працы, кіраўнік народнага клуба ветэранаў “Маналіт” Тамара Калантай. Яна ж уручыла маладым спецыялістам сувеніры: гіркі ( кожная, вобразна кажучы, — адзін кілаграм культуры), дзе 300 грамаў натхнення, 200 – цярпення, 150 – старання, 150 – творчасці і па 100 грамаў кіпучай энергіі і бадзёрасці.

Што тычыцца творчасці, то ўсе, хто выходзіў на сцэну ў гэты дзень, праявілі сябе найлепшым чынам.
Як вынік — адбыўся вялікі і цудоўны канцэрт!

На нашу думку, адметнасць канцэртнай праграмы заключалася ў тым, што права выступіць на свяце атрымалі як вядомыя ў раёне артысты, так і тыя, хто толькі спрабуе свае творчыя сілы на вялікай сцэне, хто набудзе вядомасць ужо ў бліжэйшы час.

Традыцыйна здзівілі сваім высокім майстэрствам барабаншчыцы ўзорнага ансамбля “VIVAT”, удзельніцы ўзорнага ансамбля эстраднага танца “ВераНіка”, узорнага ансамбля “Радасць”, музыканты дзіцячага духавога аркестра Глыбоцкай дзіцячай школы мастацтваў; уразілі сваімі галасамі ўдзельніцы вакальнай групы “Глыбоцкія дзяўчаты” (асабліва спадабалася гледачам песня “Рэкрут”, якую дзяўчаты выканалі разам з салістам народнай эстраднай студыі “Архіў” Паўлам Пеляёнкам), Кацярына Глябкоўская, Браніслаў Грамакоўскі, Юрый Стрэльчанка, Грэта і Весна Бекішы, Марына Хрол і Дзмітрый Джаўшанашвілі, якія праспявалі дуэтам; хораша сыгралі на баяне Таццяна Кузьміч і Уладзімір Бурэнь. Парадаваў сваёй песняй вакальна-інструментальны ансамбль “Вішнёвы горад”, дастойна выступілі іншыя калектывы і выканаўцы.

Як пра цікавыя творчыя знаходкі, трэба гаварыць пра паяўленне на сцэне цара Пятра I (Аляксандр Хайноўскі), які абвясціў, што свята работнікаў культуры трэба адзначаць з шырокім размахам, Астапа Бэндэра (Юрый Стрэльчанка) , Кісы Вараб’янінава (Арцём Фамін) і Элачкі (Таццяна Бяляты), якія ў гэты дзень правялі пасяджэнне клуба “12 крэслаў” (аказваецца, у раёне – 12 чалавек, якія стаяць на чале галіны культуры і яе падраздзяленняў).

…Закончылася свята “Гімнам культработніку”, які выканалі салісты народнай эстраднай студыі “Архіў”.
Алесь Жыгуноў.
Фота Варвары Ваяводавай.

Добавить комментарий

Ваш e-mail не будет опубликован. Обязательные поля помечены *

один × пять =



Веснік Глыбоччыны - Новости г. Глубокое и Глубокского района,
© Авторское право принадлежит учреждению "Редакция районной газеты "Веснік Глыбоччыны" Глубокского района , 2016г.
Гиперссылка на источник обязательна. Условия использования материалов.


Рейтинг@Mail.ru
Яндекс.Метрика Рейтинг@Mail.ru HotLog

Мы в соцсетях!

У нас есть группа в Одноклассники
Присоединяйся и будь в курсе всего!


А еще мы есть в:
http://vg-gazeta.by/2016/10/12/%d0%bd%d0%b0-%d0%b3%d0%bb%d1%8b%d0%b1%d0%be%d1%87%d1%87%d1%8b%d0%bd%d0%b5-%d0%b0%d0%b4%d0%b7%d0%bd%d0%b0%d1%87%d1%8b%d0%bb%d1%96-%d0%b4%d0%b7%d0%b5%d0%bd%d1%8c-%d1%80%d0%b0%d0%b1%d0%be%d1%82%d0%bd/